მესხეთის თეატრი საერთაშორისო თეატრალურ ფესტივალში მონაწილეობს

თბილისის საერთაშორისო თეატრალური ფესტივალის ქართული სპექტაკლების პროგრამის ფარგლებში, მესხეთის სახელმწიფო დრამატული თეატრი მარჯანიშვილის თეატრის მცირე სცენაზე წარადგენს სპექტაკლს „მშვიდი ღამე“. სპექტაკლის ჩვენება 7 ოქტომბერს, 19:00 საათზე გაიმართება.

სპექტაკლი ჰ. მიულერის პიესის "ჩუმი ღამე"-ს მიხედვითაა დადგმული. სცენიური ვერსიის ავტორი და რეჟისორი გიორგი შალუტაშვილია. სცენოგრაფი კი ლელა ფერაძე. სპექტაკლში მონაწილეობენ: ლია სულუაშვილი და ბაქარ ალავიძე.

სპექტაკლში მოხუცთა თავშესაფარში ჩაბარებული 5 შვილის დედის ამბავია ასახული. დედა ყოველ წელს ელოდება შვილს, რომ ოჯახში აღნიშნონ შობის დღესასწაული, მაგრამ შვილს პირადი ინტერესები ამოძრავებს, ფარულად უყიდის კუთვნილ ქონებას და დედას თავშესაფარში ტოვებს.

სპექტაკლზე დასწრება თავისუფალია.

[sknews.ge]