16.200 ლარი სასტუმროს მომსახურებისთვის – ახალციხის მერიამ ტენდერი გამოაცხადა

ახალციხის მერიის მიერ გამოცხადებულ ტენდერში მონაწილეობისთვის წინადადებების მიღება 13 ივლისს დაიწყება. მერია სტუმრებისთვის სასტუმროს 9 დღის განმავლობაში, 5 აგვისტომდე დაჯავშნის.

სასტუმროს მომსახურებით 30 სტუმარი ისარგებლებს.

ღონისძიება „ჩვენებურები“ ახალციხის მერიის ორგანიზებით იმართება და 9 დღის განმავლობაში გაგრძელდება.

აღნიშნული ღონისძიების ფარგლებში თურქეთიდან, ქალაქ საქარიაში მცხოვრებ ქართველებს ჩამოიყვანენ, გააცნობენ ქართულ კულტურას და დაათვალიერებენ სამცხე–ჯავახეთის რეგიონში არსებულ ისტორიულ ძეგლებს.

[თინათინ ზაზაძე, ახალციხე]