მერიამ წარჩინებულ სტუდენტებს სტიპენდია დაუნიშნა

დღეს, 3 ილისს, ახალციხის მერი გიორგი კოპაძე წარჩინებულ სტუდენტებს შეხვდა და წარმატება პირადად მიულოცა.

გიორგი კოპაძის თქმით, მერია ამ გზით სტუდენტების წახალისებას ცდილობს: „გვინდა სტუდენტთა რაოდენობა გავზარდოთ და ქალაქში არსებული სხვა სასწავლებლებიც მოვიცვათ. რაც მეტი წარჩინებული ახალგაზრდა გვეყოლება, მით უკეთესია. ისინი მომავალი საჯარო მოხელეები და ხელისუფლების წარმომადგენლები იქნებიან“.

მისივე თქმით, გარდა ამისა, ეს იქნება მაგალითი სხვა სტუდენტებისთვისაც, რომ უკეთ ისწავლონ და მომდევნო წლებში უკვე ისინი გახდნენ სტიპენდიანტები.
ახალციხის მერიისგან ფულადი ჯილდო მოტივაციის მიმცემი აღმოჩნდა ამ წლის სტიპენდიანტ ელენე მაღრაძისთვის: „ძალიან გამიხარდა, როცა გავიგე რომ მერის ერთ–ერთი სტიპენდიანტი მე ვიყავი. ამის შემდეგ უფრო შევეცდები კარგად ვისწავლო“.

ახალციხის მერია ახალგაზრდებისთვის სტიპენდიის დანიშვნას შემდეგ წლებშიც გეგმავს.

[ნანა მიქელაძე, ახალციხე]