'ახალციხელობაზე' მერიის სტიპენდიანტები დააჯილდოვეს

მერიის სტიპენდიანტები გახდნენ ხატია გელაშვილი, ემა ნაზარეტიანი, დათუნა ჩადუნელი, დიანა ვედიაკოვი, მარეხი ზედგინიძე, მარიამ ქუქჩიშვილი, დონარი ლონდარიძე, ლია ბერიძე, ნინო პაპიძე, ლამარა თელიაშვილი და მარიამ სუდაძე. თერთმეტივე სტუდენტმა 97-ზე მეტი სარეიტინგო ქულა დააგროვა და მერიისგან 500 ლარიანი სტიპენდია მიიღო.

„მერიის სტიპენდია პირველად ავიღე, ამისთვის ბევრს ვსწავლობდი. თანხით ალბათ რაიმე სამახსოვროს ვიყიდი, რომ დამრჩეს უნივერსიტეტისგან“ - ამბობს მერიის სტიპენდიანტი, ინგლისური ფილოლოგიის სტუდენტი ემა ნაზარეტიანი.

„მერიის სტიპენდიანტი უკვე მეორედ გავხდი, ამავდროულად პრეზიდენტის სტიპენდიანტიც ვარ და ეს ჩემთვის ძალიან მნიშვნელოვანია, რადგან სწავლაში მეტ სტიმულს მაძლევს, ფულს ისევ სწავლაში გამოვიყენებ“, - გვითხრა იურიდიული ფაკულტეტის სტუდენტმა, მარიამ სუდაძემ.

[ავთო ინასარიძე, ახალციხე]