ახალციხეში შალვა ახალციხელის ხსენების დღე აღნიშნეს

წირვა–ლოცვა მარგვეთისა და უბისის მიტროპოლიტმა მეუფე დიმიტრიმ აღავლინა. წირვის დასრულების შემდეგ მეუფე დიმიტრიმ იქადაგა და მრევლს წმინდა დიდმოწამე შალვა ახალციხელის ხსენების დღე მიულოცა.

„დღეს ახალციხეში განსაკუთრებული მადლი ტრიალებს. წმინდა დიდმოწამე შალვა ახალციხელი არის მაგალითი ერთგულებისა და ვაჟკაცობის. ძალიან მიხარია, რომ ყოველ წელს უფრო და უფრო გრანდიოზულად აღინიშნება ეს დღესასწაული, როგორც საერო, ისე სასულიოერო თვალსაზრისით. ეს არის გამოხატულება იმის, როგორ უყვარს ქართველ ხალხს შალვა ახალციხელი და როგორ აფასებენ მის ღვაწლს და დამსახურებას“,– განაცხადა მეუფე დიმიტრიმ.

შალვა ახალციხელის მშენებარე ტაძარში წირვა 9:00 საათზე დაიწყო.

„დღეს არის შალვა ახალციხელის ხსენების დღე. იმ უდიდესი წმინდანისა, რომელმაც ახალციხეს უფრო დიდი სახელი შესძინა. დღევანდელ დღესთან დაკავშირებით აღევლინა წირვა –ლოცვა“, – ამბობს მრევლი როინ თაქთაქიშვილი.



[მანანა სარაშვილი, ახალციხე]