კომპანია „ჯიბემ“ ახალციხეში საბითუმო მარკეტი გახსნა

საქართველოს მასშტაბით პირველი საბითუმო სავაჭრო ქსელის „ჯიბეს“ მე–10 ფილიალი ახალციხეში 25 ივნისს გაიხსნა. „ჯიბე” Cash&Carry -ის წარმომადგენლები თვლიან, რომ მათი მთავარი უპირატესობა დაბალი ფასია.

„ჩვენი მიზანია საბითუმო ბაზრის სისტემური ლეგალიზება და ვაჭრობის თანამედროვე სტანდარტების დამკვიდრება. გვაქვს ყველა სახის პროდუქტი, იქნება ეს საქართველოში წარმოებული, თუ საერთაშორისო ბრენდები”,- ამბობს ცენტრის თბილისის ფილიალის დირექტორი გიორგი ხაბელაშვილი და ამატებს, რომ ახალციხეში მაღაზიის გახსნამდე მათ ადგილობრივი ბაზარი შეისწავლეს.

ფილიალის გახსნას მაღაზიის თანამშრომლები, მისი პოტენციური მომხმარებლები და ასევე, ახალციხის ადგილობრივი ხელისუფლების წარმომადგენლები დაესწრნენ. ადგილობრივებმა მაღაზიაში სასურველი პროდუქტები უკვე შეიძინეს.

„ძალიან კარგია რომ გაიხსნა, ბაზართან ახლოს არის და შორს წასვლა აღარ დაგვჭირდება. გარდა ამისა, ხელმისაწვდომი ფასებია, რაღაც–რაღაცები შევიძინე კიდეც. მე რაიონიდან ვარ და ალბათ კვირაში ერთხელ მაინც მოვალ“ – ამბობს ირა ღარჭავა.

ამ ეტაპზე ახალციხის მაღაზიაში 13 ადგილობრივია დასაქმებული. „ჯიბეს“ ახალციხის ფილიალის მენეჯერის თქმით, სამომავლოდ მარკეტი გაფართოებას გეგმავს, რაც ნიშნავს, რომ ვაკანსიები კიდევ გამოცხადდება.

„ჯიბე“ 2010 წელს დაარსდა. ეს cash&carry–ის ფორმატის პირველი საბითუმო სავაჭრო ქსელია Cash & carry ევროპასა და ამერიკაში გავრცელებული ვაჭრობის ფორმაა, რომლის დროსაც პროდუქციის რეალიზაცია ხდება პირდაპირ საწყობიდან, ნაღდი ანგარიშსწორებით და ბუღალტრული დოკუმენტაციის ადგილზე გაცემის გზით.

"ჯიბეს" პირველი საბითუმო-სავაჭრო ქსელი ქალაქ ზუგდიდში 2010 წლის მაისში გაიხსნა. ამჟამად, "ჯიბე - ქეშ&ქერი“ საქართველოს ტერიტორიაზე 10 ფილიალს ითვლის. ახალციხეში მომხმარებელს მაღაზიაში მომსახურების მიღება ყოველ დღე, დილის 8 საათიდან საღამოს 8 საათამდე შეეძლებათ.

იხილეთ ფილიალის გახსნის ამსახველი ვიდეომასალა და ფოტორეპორტაჟი.


[ვარლამ წიკლაური, ახალციხე]