11 მაისიდან ტანსაცმლისა და ფეხსაცმლის მაღაზიების გარდა, ყველა სავაჭრო ობიექტი გაიხსნება

სავაჭრო ობიექტების გახსნის შესახებ დღეს, 7 მაისს გიორგი გახარიამ ისაუბრა: “გაიხსნება ყველა სახის საცალო და საბითუმო მაღაზია, რომელსაც აქვს შესასვლელი ქუჩიდან და რომელიც არ ვაჭრობს ტანსაცმლითა და ფეხსაცმლით. ეს არ ეხება მოლებს“ - განაცხადა პრემიერმა.

მისივე თქმით, გარდა სამშენებლო წარმოებისა, შესაძლებლობა ექნება ყველა სახის წარმოებას რომ მუშაობა დაიწყოს: „ჩვენ შეგვიძლია გარკვეული სექტორების გახსნა დავაჩქაროთ, ისე, როგორც დავაჩქარეთ, მშენებლობის გახსნა ერთი კვირით. 11 მაისიდან, ორშაბათიდან გავხსნით ყველა სახის წარმოებას. თუ აქამდე საუბარი იყო მხოლოდ და მხოლოდ სამშენებლო მასალის წარმოებაზე, ახლა გაიხსნება ყველა სახის წარმოება“, - განაცხადა პრემიერმა.

[თაკო ფეიქრიშვილი]