ახალციხეში LOVATO–ს ფილიალი გაიხსნა

LOVATO–ს ახალციხის ფილიალი 22 ივნისს ოფიციალურად გაიხსნა. სერვისცენტრი სოფელ ღრელის გზაზე, საფარის N10–ში მდებარეობს. აქ გაზის აპარატურას სპეციალურად გადამზადებული ინჟინრები დაამონტაჟებენ, რომლებსაც ტრეინინგები იტალიიდან მოწვეულმა სპეციალისტებმა ჩაუტარეს.

LOVATO–ს ახალციხის ფილიალი პირველ 30 მომხმარებელს ფასდაკლებასაც სთავაზობს. პირველი ათი მომხმარებელი 150 ლარიან ფასდაკლებას მიიღებს, შემდეგი 10 მომხმარებელი 100 ლარიან ფასდაკლებას, მომდევნო ათი კი 50 ლარიან ფასდაკლებას მიიღებს.

ახალციხის ფილიალის წარმომადგენლები საკუთარ ავტომანქანაში გაზის აპარატურის დამონტაჟების მსურველებს ურჩევენ, რომ იჩქარონ, რადგან იმ 30 მომხმარებელს შორის მოხვდნენ, რომლებზეც ფასდაკლება ვრცელდება.

კომპანია LOVATO 1958 წელს იტალიის ქალაქ ვიჩენცაში დაფუძნდა, საქართველოში კი 2011 წლიდან ფუნქციონირებს.


[თამარ თოთაძე, ახალციხე]