ბორჯომში სატვირთო ამობრუნდა – დაღუპულია 52 წლის მამაკაცი

ტელეკომპანია „ბორჯომის“ ცნობით, შემთხვევა გუშინ, 24 ივნისს მოხდა. მანქანაში სავარაუდოდ რამდენიმე ადამიანი იმყოფებოდა, რომლებიც არ დაშავებულან.

ბორჯომის საგანგებო სიტუაციების მართვის სამსახურში შეტყობინება 112-დან შევიდა, რის შემდეგაც სამაშველო ჯგუფი ადგილზე მალევე გამოცხადდა. შემთხვევის ადგილზე იმყოფებოდნენ სასწრაფო სამედიცინო სამსახური და პოლიცია.

ტელეკომპანია „ბორჯომის“ ინფორმაციით, გარდაცვლილის სატვირთო მანქანიდან ამოყვანას დაახლოებით 40 წუთი დასჭირდა. ექსპერტიზის ჩატარების მიზნით ცხედარი პროზექტურაში გადაასვენეს. ინფორმაციას ბორჯომის საგანგებო სიტუაციების მართვის სამსახურის უფროსის მოადგილე - ლევან ხუციშვილი ადასტურებს.

[sknews.ge]