ვარხანში ადიდებულმა ღელემ ნათესები დატბორა [Photo]

ღელე ეგრეთ წოდებული ჭიხეს გორებიდან იღებს სათავეს და მდინარე ოცხეში ჩაედინება. როგორც „სამხრეთის კარიბჭესთან“ ადგილობრივები ყვებიან, ღელემ გზად შემხვედრი ყველა ნათესი წალეკა.

ძლიერი წვიმა სოფელ ვარხანში გუშინ, 20 ივნისს, დაახლოებით ნახევარი საათის განმავლობაში გაგრძელდა.

როგორც ადიგენის ადგილობრივ ხელისუფლებაში აცხადებენ, გუშინ ძლიერი წვიმა ადიგენის რამდენიმე სოფელში იყო, თუმცა, სასოფლო-სამეურნეო სავარგულები მხოლოდ ვარხანში დაიტბორა.

ადიგენის მუნიციპალიტეტის გამგებლის მოადგილის არსენ ბალახაშვილის განმარტებით, ვარხანში ადგილობირივ ხელისუფლების წარმომადგენლები გუშინვე იმყოფებოდნენ. დაწყებულია ზარალის აღწერაც.

„ადიგენში ახლაც ძლიერად წვიმს, თუმცა, ჯერ რაიმე შეტყობინება გამგეობაში არ შემოსულა“, - განაცხდა ბალახაშვილმა „სამხრეთის კარიბჭესთან“ საუბარში.







ფოტოები მოგვაწოდა გულო კოხოძემ.

[sknews.ge]