ვარხანში მეხი ჩამოვარდა - დამწვარია თივით სავსე შენობა

ადიგენში მეხი დღეს, 1-ელ აგვისტოს დაახლოებით 15:00 საათზე ჩამოვარდა. ცეცხლი თივას მოედო: „კომუნისტების დროს სამკერვალოს შენობა იყო. ახლა ბადრი ბალახაშვილის საკუთრებაა. ძლიერი წვიმა რომ დაიწყო, მეხი გავარდაო და ამის მერე შეამჩნიეს კვამლი“, - ამბობს მერის წარმომადგენელი ვარხნის ადმინისტრაციულ ერთეულში ვიქტორ მინაძე.

ადგილზე მუშაობდა სახანძრო სამაშეველო სამსახურის ბრიგადები: “ამჟამად, ხანძრი ლიკვიდირებულია. დაშავებული არავინაა, ადგილზე მუშაობდა სამი სახანძრო ეკიპაჟი“.

ამ ეტაპზე, ზარალის ოდენობა დადგენილი არ არის.

[თაკო ფეიქრიშვილი]