გარემოსდაცვის დღეს ახალციხეში დასუფთავების აქცია მოაწყვეს

5 ივნისს, გარემოს დაცვის საერთაშორისო დღეს, ახალციხეში დასუფთავების აქცია მოეწყო.სამცხე-ჯავახეთის სახელმწიფო უნივერსიტეტის სტუდენტური თვითმართველობის წევრებმა „უნიმედი სამცხეს“ მიმდებარე ტერიტორია ნარჩენებისგან გაასუფთავეს.

აქციას ახალციხის მერია და შპს „კეთილმოწყობის სამსახური“ აქტიურად უჭრდა მხარს; დასუფთავებაში ახალციხის მერი გიორგი კოპაძეც ჩაერთო.

აქცია კავკასიის გარემოსდაცვითი არასამთავრობო ორგანიზაციების ქსელის (CENN), საქართველოს საზოგადოებრივ საქმეთა ინსტიტუტის (GIPA), ასევე, პოლიტიკისა და მართვის კონსალტინგ ჯგუფის კვლევითი ცენტრის (PMC RC) ორგანიზებით გაიმართა. გარემოს დაცვის დღისადმი მიძღვნილი მიძღვნილი ღონისძიება ერთდროულად სამ რეგიონში ჩატარდა: სამცხე-ჯავახეთში (ახალციხე), აჭარასა (ჩაქვი) და კახეთში (შუამთა).

[sknews.ge]