ახალციხეში დასუფთავების მასშტაბური აქცია მოეწყო

მთავარი → საზოგადოება 16.04.2014

ახალციხის მუნიციპალიტეტის საჯარო და კერძო დაწესებულებების თანამშრომლებმა, სკოლებისა და უმაღლესი სასწავლებლების სტუდენტებმა და მუნიციპალიტეტის სოფლების მცხოვრებლებმა, დასუფთავების აქცია მოაწყეს.

ახალციხეში დასუფთავების მასშტაბური აქცია მოეწყო

აქციის ფარგლებში დასუფთავდა ქალაქ ახალციხის შემოსასვლელი და გასასვლელი, ხელოვნურ ტბის, ახალციხის ციხის, ქალაქის სკოლებისა და სასაფლაოების მიმდებარე ტერიტორიები. სოფლების მცხოვრებლებმა სოფლის ქუჩები და სასაფლაოები დაასუფთავეს.

დასუფთავების აქცია ახალციხის ადგილობრივი თვითმმართველობის ორგანიზებით მოეწყო. თვითმმართველობამ ორგანიზებაში საგანმანათლებლო რესურსცენტრი დაიხმარა. რესურსცენტრს აქციაში სკოლების ჩართვა დაევალა.

შედეგად, სკოლების მოსწავლეებმა სკოლების ეზოები და მიდებარე ტერიტორიები დაასუფთავეს. გარდა ამისა, ახალციხის პირველი საჯარო სკოლის მოსწავლეების ნაწილმა რაბათში, სასაფლაოების მიმდებარე ტერიტორია, მესამე საჯარო სკოლის მოსწავლეებმა კი სომხური სასაფლაოს მიმდებარე ტერიტორია დაასუფთავეს.

ახალციხის ციხის ადმინისტრაციამ ციხის მიმდებარე ტერიტორიაზე იზრუნა, თვითმმართველობას ქალაქის გასასვლელის, აბასთუმნის გზატკეცილის დასუფთავება ხვდა წილად, ახალციხის ხელოვნური ტბის მიმდებარე ტერიტორია კი პროფესიული კოლეჯის "ოპიზარის" სტუდენტებმა და ადმინისტრაციამ დაასუფთავა.

დასუფთავებული ადგილებიდან ნარჩენები ქალაქის დასუფთავების სამსახურმა შპს "კეთილმოწყობამ" გაიტანა.

აქციაში ჩაერთო ახალციხის მუნიციპალიტეტის 47-ვე სოფელი. ადგილობრივებმა სოფლის ქუჩები და სასაფლაოების მიმდებარე ტერიტორიები დაასუფთავეს.

ახალციხეში დასუფთავების მასშტაბური აქცია მოეწყო