სამცხე–ჯავახეთი დასუფთავების საყოველთაო აქციას შეუერთდა [Photo]

დასუფთავების აქციის „დავასუფთაოთ საქართველოს“ ფარგლებში ახალციხის მუნიციპალიტეტისა და მის დაქვემდებარებაში მყოფ ააიპ -ების თანამშრომლებმა ახალგაზრდებთან ერთად, მუნიციპალიტეტის სხვადასხვა ტერიტორია დაასუფთავეს.



საყოველთაო დასუფთავების აქციას შეუერთდა ასპინძაც. მუნიციპალიტეტის მერმა, ააიპ–ებისა და საკრებულოს თანამშრომლებთან, ასევე ადგილობრივებთან ერთად, ასპინძის ცენტრალური მაგისტრალი, წუნდის ტბასთან და ვარძიამდე მისასვლელი გზა დაასუფთავეს.



დღესვე, აქციას შეუერთდნენ ადიგენშიც. თვითმმართველობის ხემძღვანელმა პირებმა აქ, დაბა ადიგენის და დაბა აბასთუმანის ქუჩები, ასევე გზის მიმდებარე ტერიტორიები დაასუფთავეს.



მასშტაბურ დასუფთავების აქციაში დილიდან ჩაერთვნენ ბორჯომის მუნიციპალიტეტის მერიისა და საკრებულოს წარმომადგენელები, ყველა ა(ა)იპ სამსახურისა და „საქართველოს რკინიგზის“ თანამშრომლები. პოლიეთილენის პარკებისაგან და ბოთლებისაგან გაიწმინდა ბორჯომის მიმდებარე ტერიტორიები, დასუფთავების აქციები ჩატარდა ასევე მუნიციპალიტეტის დაბებში და სოფლებშიც.



ბორჯომში მოაწყვეს დასუფთავების აქცია, სამცხე–ჯავახეთის გუბერნატორმა და სამხარეო ადმინისტრაციის თანამშრომლებმა. მათ, ლიკანში, გზის მიმდებარე ტერიტორია დაასუფთავეს.



მუნიციპალიტეტების ხელმძღვანელებთან და ადგილობრივებთან ერთად დასუფთავების აქციაში ჩაერთო ახალქალაქი და ნინოწმინდაც.



„მსოფლიო დასუფთავების დღის“ მიზანი, მყარი ნარჩენების პრობლემასთან ბრძოლაა. მასში მონაწილეობას 200–მდე ქვეყანა იღებს დევიზით: “Let’s Do it! World” – “მოდით გავაკეთოთ ეს მსოფლიოსთვის!“

[sknews.ge]