ახალციხეში 26 მაისს აღნიშნავენ

26 მაისს დაგეგმილი ღონისძიების ფარგლებში, ახალციხეში წმ. მარინეს სახელობის საკათედრო ტაძარში საქართველოს დამოუკიდებლობისთვის დაღუპულ მებრძოლთა სულის მოსახსენიებელი პანაშვიდი მიმდინარეობს, ასევე დილის 8:00 საათიდან სადგურის მიმდებარე ტერიტორიაზე სამხედრო ტექნიკა გამოიფინა.

გამოფენაზე წარმოდგენილია, როგორც მძიმე საბრძოლო ტექნიკა, ასევე სხვადასხვა იარაღი.

ასეულის სერჟანტი ზვიად სამსონიძე ამბობს, რომ სამხედრო ტექნიკის დათვალიერება ნებისმიერ მსურველს შეუძლია.

„ჩვენ გვყავს ინსტრუქტორები და ვისაც სურვილი აქვს შეუძლიათ მათი დახმარებით დაწვრილებით ინფორმაცია მიიღონ ნებისმიერი ტექნიკისა თუ შეიარაღების შესახებ“, – ამბობს ზვიად სამსონიძე.

სამხედრო ტექნიკა სადგურის მიმდებარე ტერიტორიაზე საღამოს 9:00 საათამდე დარჩება.

შეგახსენებთ, რომ დღეს სხვადასხვა ღონისძიებები ახალციხის ციხეზეც გაიმართება.





[მანანა სარაშვილი, ახალციხე]