ავტოსადგურზე სამხედრო ტექნიკა გამოიფინა

T–72 ერთი ერთეული, QSM–2 ერთი ერთეული, ბეტეერი –80 ერთი ერთეული, ვულფი ერთი ერთეული, ჰამერი ერთი ერთეული, B–ტიპის მანქანა ერთი ერთეული და კვადროციკლი ერთი ერთეული. ნაღმმტყორცნი (60–80–120 მლ), ტანკსაწინააღმდეგო ყუმბარმტყორცნი (ფაგოტი) ერთი ერთეული, ნაღმმტყორცნი RPG–7 ერთი ერთეული. სნაიპერული შაშხანა (svd), ავტომატური შაშხანა, სნაიპერული შაშხანა (გალილი), კავშირგაბმულობის საშუალებები (ჰარისის ტიპის) და ჯარისკაცის სრული საბრძოლო აღჭურვილობა – ამ სამხედრო ტექნიკის დათვალიერება მსურველებს დილის 08:00 საათიდან შეუძლიათ.

„დილიდან აქ ვარ და თითქმის ყველაფერი დეტალურად დავათვალიერე, ძალიან მაინტერესებდა რა შეიარაღება აქვთ ჩვენს ჯარისკაცებს“,–ამბობს ადგილობრივი ვანო ხითარიშვილი.

სამხედრო ტექნიკა სადგურის მიმდებარე ტერიტორიაზე საღამოს 21:00 საათამდე დარჩება.

შეგახსენებთ, დილიდან ახალციხეში დამოუკიდებლობის დღის აღსანიშნავად სხვადასხვა ღონისძიებები მიმდინარეობს.





[მანანა სარაშვილი, ახალციხე]