სამხედრო ტექნიკის გამოფენა რეგიონის პირველმა პირებმა დაათვალიერეს [Poto/Video]

ტანკები, ჯავშანტრანსპორტიორები, ქვეითთა საბრძოლო მანქანები, სამაშველო–სამედიცინო ტრანსპორტი „დიდგორი“, ამერიკული წარმოების „ჰამერი“, კვადროციკლი, კავშირგაბმულობის სამეთაურო მანქანა და ინდივიდუალური საშტატო იარაღები – ეს მცირე ჩამონათვალია იმ სამხედრო ტექნიკის, რომელიც, დღეს 26 მაისს თამარაშვილის ქუჩაზე გამოფინეს.

აქ დამთვალიერებლებს გიდობას სამხედრო მოსამსახურეები უწევენ.

სამხედრო ტექნიკის გამოფენაზე ეროვნულ სამოსში გამოწყობილი მივიდა სამცხე–ჯავახეთის გუბერნატორი კახა სამხარაძე: „დღევანდელი დღისთვის სიმბოლურად გამოვეწყვე. ეს დღე პირველ რიგში მინდა რომ სამშვიდობო მისიებში მყოფ ჯარისკაცებს მივულოცო. ასევე, საქართველოს დამოუკიდებლობის 100 წლის იუბილეს ვულოცავ მთელ საქართველოს".

გუბერნატორს თან ახლდა ახალციხის მერი ზაზა მელიქიძე და მუნიციპალიტეტის პირველი პირები, ასევე, ახალციხე–ადიგენის მჟორიტარი დეპუტატი გიორგი კოპაძე.

სამხედრო ტექნიკის გამოფენა ავტოსადგურის ტერიტორიაზე 18:00 საათამდე იქნება.



















[ლუბა გიორგაძე, ნანა ინასარიძე ახალციხე]