ძიუდოს ჩემპიონატში ასპინძელმა გოგონებმა საპრიზო ადგილები დაიკავეს

ჩემპიონატი ძიუდოში გუშინ, ხუთ თებერვალს ჩატარდა. მარიამ ფოცხვერაშვილმა 48 წონით კატეგორიაში პირველი ადგილი დაიკავა, ხოლო ანი ბერიძემ 70 კილო წონით კატეგორიაში მესამე ადგილი.

„ორი სპორტსმენი მყავდა წაყვანილი, კარგად იასპარეზეს. მარიამს ხუთი მოწინააღმდეგე შეხვდა და ნახევარ წუთზე მეტი არავინ არ აჭიდავა, ყველაზე ერთი თავით მაღლა იდგა და პირველი ადგილი დაიკავა“, - ამბობს გოგონების მწვრთნელი, გოდერძი ველიჯანაშვილი.

მისი თქმით გოგონები ამ სპორტით უკვე სამი წელია რაც დაკავებულები არიან და ინტენსიურად ვარჯიშობენ.

“მარიამმა წინა წელსაც მოიგო ეს ჩემპიონატი“, – გვითხრა მწვრთნელმა.

[მარიამ ბარძიმაძე, ასპინძა]