ახალციხის ყოფილი გამგებლის გამამართლებელი განაჩენი უზენაესში გაასაჩივრეს

პროკურორმა პეტრე მანველიშვილმა სააპელაციო სასამართლოს გადაწყვეტილება უზენაეს სასამართლოში 29 აპრილს გაასაჩივრა.

„ჩემი აზრით უზენაესი სასამართლო სააპელაციო სასამართლოს გადაწყვეტილებას შეცვლის და მიიღებს სამართლიან და კანონიერ გადაწყვეტილებას“, – ამბობს მანველიშვილი.

ბლიაძეს კი სხვა მოლოდინი აქვს. მისი ვარაუდით უზენაესი სასამართლო ამ საჩივარს წარმოებაში არ მიიღებს, რადგან სააპელაციო სასამართლომ კარგად დასაბუთებული გადაწყვეტილება გამოიტანა.

„მოსამართლემ თქვა, რომ უსაფუძვლო ეჭვის გამო მოხდა ეს ყველაფერი. რა პირადი მოტივი მქონდა ამ საქმეში და ბრალი რატომ დამდეს ეს არ ჰქონდა პროკურატურას გამოძიებული. ამიტომ დარწმუნებული ვარ, რომ ამ საჩივარს წარმოებაშიც არ მიიღებს“, – აცხადებს ბლიაძე.

შეგახსენებთ, რომ ბესიკ ბლიაძე სააპელაციო სასამართლომ უდანაშაულოდ სცნო. მანამდე კი ახალციხის რაიონულმა სასამართომ მას ბრალი სსკ-ის 341 მუხლით, სამსახურეობრივ სიყალბეში დასდო და 3 000 ლარით დააჯარიმა.

ბლიაძეს ბრალი 2014 წლის 24 მარტს წაუყენეს. მისი საქმის განხილვა 10 თვეს გაგრძელდა და ამ ხნის განმავლობაში, საქმეში 3 პროკურორი შეიცვალა.

[თამუნა უჩიძე, ახალციხე]