ახალციხის ყოფილი გამგებელი სააპელაციო სასამართლომ უდანაშაულოდ სცნო

სააპელაციო სასამართლომ გააუქმა ახალციხის რაიონული სასამართლოს გადაწყვეტილება, რომლის თანახმადაც ბლიაძეს ბრალი სსკ-ის 341 მუხლით, სამსახურეობრივ სიყალბეში დასდეს და 3.000 ლარით დააჯარიმეს.

„ვიცოდი რომ უდანაშუალო ვიყავი და ამას აუცილებლად დავამტკიცებდი“, – აცხადებს ბლიაძე.

ახალციხის რაიონული სასამართლოს გადაწყვეტილებას პროკურატურაც ასაჩივრებდა. პროკურორი პეტრე მანველიშვილი ბრალის დამძიმებას ითხოვდა.

„ორივე საჩივარი მოსამართლემ დღეს ერთად განიხილა და ბრალდების მხარეს მოთხოვნა არ დაუკმაყოფილა“, – ამბობს ბლიაძე.

შეგახსენებთ, რომ ახალციხის მუნიციპალიტეტის ყოფილ გამგებელს ბრალი 2014 წლის 24 მარტს წაუყენეს. მისი საქმის განხილვა 10 თვეს გაგრძელდა და ამ ხნის განმავლობაში, საქმეში 3 პროკურორი შეიცვალა.

[თამუნა უჩიძე, ახალციხე]