ახალი სასწავლო წელი განახლებულ სკოლაში

- ”ასეთი სასწავლო წლის დაწყება ჩვენს სკოლას ნამდვილად არ ჰქონია, რისთვისაც დიდ მადლობას ვუხდით ყველას, ვინც წვლილი შეიტანა სკოლის გარემონტებაში”, - განაცხადა სკოლის დირექტორმა ზაზა თამარაშვილმა.

მისი განმარტებით, სკოლის რებილიტაციისთვის 100,000 მეტი ლარი დაიხარჯა. აქედან, 66,000 ლარი სკოლას ახალციხის სახელმწიფო სასწავლო უნივერსიტეტმა გადაურიცხა. თანხის გადარიცხვა უმაღლეს სასწავლებელთან გაფორმებული მემორანდუმის ფარგლებში მოხდა. ამ მემორანდუმის თანახმად, უნივერსიტეტის კურსდამთავრებულები პრაქტიკას მეექვსე საჯარო სკოლაში გაივლიან. 18,000 ლარი სკოლას განათლების სამინისტრომ ჩაურიცხა, დანარჩენი კი სკოლამ გაიღო.

მეექვსე საჯარო სკოლას წელს 14 პირველკლასელი ჰყავს. ადმინისტრაციის განმარტებით ნეტბუკი ყველა მათგანს გადაეცემა. გარდა ამისა, სასკოლო სახელმძღვანელოების სრულ კომპლექტი გადაეცემა მეექვსე სკოლის 36 მოსწავლეს (სოციალურად დაუცველ და მრავალშვილიანი ოჯახების მოსწავლეებს).

ახალი სასწავლო წლის დაწყებას განახლებულ სკოლაში მოსწავლეები დილიდან აღნიშნავენ. ღონისძიება 10:00 საათზე, ჰიმნის ფონზე დროშის აღმართვით დაიწყო და ამავე სკოლის ცეკვისა და სიმღერის ანსამბლების გამოსვლით დასრულდა.

მეექვსე სკოლის გახსნას მუნიციპალიტეტის გამგებელი და საგანმანათლებლო რესურს-ცენტრის წარმომადგენლები ესწრებოდნენ.

[თინათინ ზაზაძე, ახალციხე]