'უნდა გადადგეს ყველა, დიდიან–პატარიანად' – ახალციხელები მთავრობის გადადგომაზე [Video]

გამოკითხულთა ნაწილი ამბობს, რომ გადადგომა გამოსავალი არ არის, გადადგომას მინისტრებს სათანადოდ მუშაობა ერჩივნათ. ნაწილი ფიქრობს, რომ ალბათ ასე იყო საჭირო, გაცილებით რადიკალურადაა განწყობილი რესპონდენტების ნაწილი, რომლებიც ამბობენ, რომ ვინც არ უნდა იყოს მთავრობაში, ქვეყანას მაინც არაფერი ეშველება და საერთოდ, ყველა უნდა გადამდგარიყო.



შეგახსენებთ, დღეს, 29 აპრილს, თანამდებობიდან გადადგა საქართველოს სპორტისა და ახალგაზრდობის საქმეთა მინისტრი ლევან ყიფიანი. ყიფიანის გადადგომით, ფაქტობრივად, გადადგა მთავრობაც, რადგან იგი მეშვიდე მინისტრია, რომელიც მთავრობის თავდაპირველ შემადგენლობაში შეიცვალა.

ამ ეტაპზე ყველა მინისტრი მოვალეობის შემსრულებლად ითვლება. კონსტიტუციის თანახმად, ვაკანტურ თანამდებობებზე კანდიდატები საქართველოს პრემიერ–მინისტრმა უნდა წარადგინოს, მას უფლებამოისლება შეწყვეტილი არ აქვს. მას შემდეგ, რაც პრემიერმინისტრი კანდიდატებს წარადგენს, რისთვისაც მას ორკვირიანი ვადა აქვს, საქმეში პარლამენტი ჩაერთვება. განახლებულ შემადგენლობას უკვე პრეზიდენტი წარუდგენს პარლამენტს, პარლამენტს 7-დღიანი ვადა გვაქვს ამ საკითხზე ჩამოსაყალიბებლად.

[ვარლამ წიკლაური, ახალციხე]