„ნაბიჯი გენდერული თანასწორობისთვის“ – შემაჯამებელი კონფერენცია

„ნაბიჯი გენდერული თანასწორობისთვის“ მიზნად სამცხე-ჯავახეთსა და ქვემო ქართლში, ადგილობრივი მოსახლეობის გენდერული ცნობიერების ამაღლებასა და გენდერული დისკრიმინაციის რისკების პრევენციას ისახავდა.

შემაჯამებელ კონფერენციაზე, პროექტის ფარგლებში, საქართველოს ოთხ მუნიციპალიტეტში შექმნილმა გენდერული კლუბების წევრებმა და მასწავლებლებმა, განხორციელებულ აქტივობებსა და იდენტიფიცირებულ პრობლემებზე ისაუბრეს.

კონფერენციაზე, განხორციელებული აქტივობების ამსახველი ფოტო გამოფენა და დოკუმენტური ფილმის, სახელწოდებით ,,გიულარ იბრაგიმოვა“ ჩვენება მოეწყო.

ღონისძიების დასკვნით ნაწილში კი ქალთა მიმართ დისკრიმინაციის აღმოფხვრის მიმართულებით დისკუსია გაიმართა.

შემაჯამებელ კონფერენციას პარლამენტის, მთავრობის, დიპლომატიური კორპუსის, გენდერული თანასწორობის საკითხებზე მომუშავე ადგილობრივი და საერთაშორისო ორგანიზაციების წარმომადგენლები დაესწრნენ.

კონფერენცია ჩატარდა პროექტის ფარგლებში რომლის სახელწოდებაა ,,ნაბიჯი გენდერული თანასწორობისათვის“. ეთნიკური უმცირესობებით დასახლებულ რეგიონებში პროექტი სამცხე-ჯავახეთის მედია ცენტრმა (SJMC) განახორციელა. ცენტრის მხარდამჭერები შვედეთის საერთაშორისო განვითარების სააგენტო (Sida) და ამერიკის ეროვნულ-დემოკრატიული ინსტიტუტის NDI იყვნენ.

[sknews.ge]