'კონსტიტუციის 42–ე მუხლი' დამსაქმებლებს გენდერის თემაზე ატრენინგებს

ტრენინგები ახალციხის დემოკრატიული ჩართულობის ცენტრში 17–18 ივნისს ჩატარდა. ორი დღის განმავლობაში ტრენერები და მსმენელები მსჯელობდნენ იმის შესახებ, რა არის გენდერი, გენდერული დისკრიმინაცია, გენდერული ნიშნით განსხვავებული ხელფასი და ა.შ.

ტრენინგს საქართველოს პროფესიული კავშირების გაერთიანების მოადგილე, ქალთა კომიტეტის თავმჯდომარე ეთერი მათურელი, „კონსტიტუციის 42–ე მუხლის“ ტრენერ–კოორდინატორი გიორგი ვაჩაძე და ამავე ორგანიზაციის წევრი მარინა ფოჩხუა უძღვებოდნენ.

ტრენინგები გაიმართა USAID–ის დაფინანსებითა და ამერიკის მთავრობის მხარდაჭერით – თბილისსა და 9 რეგიონულ ცენტრში.

ხვალ და ზეგ ტრენინგები დასაქმებულებთან გაგრძელდება.



[ელისაბედ მოდებაძე, ახალციხე]