პამაჯის სკოლას 500 წიგნი საჩუქრად გადაეცა

საქართველოს პარლამენტის ეროვნული ბიბლიოთეკის გენერალური დირექტორის მოადგილე მირიან ხოსიტაშვილი და ბიბლიოთეკის სხვა წარმომადგენლები ახალციხის მუნიციპალიტეტის სოფელ პატარა პამაჯს 15 აპრილს ესტუმრნენ. სოფლის საჯარო სკოლას საჩუქრად 500 წიგნი გადასცეს. აღნიშნული აქციის მიზანია, რომ პატარა პამაჯის არაქართულენოვან სკოლაში ქართული კუთხე შეიქმნას. წიგნები ძირითადად ქართული მხატვრული ლიტერატურის ნიმუშებია.

პატარა პამაჯის საჯარო სკოლას ეროვნული ბიბლიოთეკის წარმომადგენლებთან ერთად სტუმრობდნენ ახალციხის მუნიციპალიტეტის საკრებულოს თავმჯდომარე და კულტურის სამსახურის თანამშრომლები. მოგვიანებით მოსწავლეებმა ქართულ ენაზე ლექსები წაიკითხეს და სიმღერები შეასრულეს.

[sknews.ge]