აწყურის ბიბლიოთეკას ახალი წიგნები შეემატება

საქართველოს პარლამენტის ეროვნული ბიბლიოთეკის გენერალური დირექტორის მოადგილე ილია ხოსიტაშვილი ახალციხის მუნიციპალიტეტის გამგეობას დღეს, 11 აპრილს ეწვია. მან გამგეობას 300 სხვადასხვა სახეობის მხატვრული ლიტერატურა გადასცა. ამ წიგნებით სოფელ აწყურის ბიბლიოთეკა განახლდება.

„ჩვენ ერთგვარი ვალდებულება გვაქვს ქალაქებისა და სოფლების ბიბლიოთეკები ახალი წიგნებით შევავსოთ. ასე ბიბლიოთეკები უფრო მრავალფეროვანი გახდება“, –ამბობს მირიან ხოსიტაშვილი.

მისი თქმით, საქართველოს ეროვნული ბიბლიოთეკა რამდენიმე კვირაში ახალციხის მუნიციპალიტეტის გამგეობას 3000–მდე წიგნს კიდევ გადასცემს. გამგეობა მათ სხვადასხვა სოფლების ბიბლიოთეკებში გადაანაწილებს.



[ვარლამ წიკლაური, ახალციხე]