ახალციხის მერია სააღდგომოდ 145 ოჯახს დაეხმარება

ქალაქ ახალციხის მუნიციპალიტეტის მერიის ჯანდაცვისა და სოციალური სამსახურისგან სააღდგომოდ 50–50 ლარს ის 145 ბენეფიციარი მიიღებს, ვინც ახალციხის „სათნოების სახლში“ სადილობს.

„სათნოების სახლი“ კი კვებაზე მყოფ 168 ბენეფიციარს სააღგომო ნამცხვარს და კვერცხებს დაურიგებს.

„ბენეფიციარებმა თავად უნდა განსაზღვრონ რაში დახარჯონ ფული. გარდა ამისა, ჩვენ რომ შეგვეძინა გაერკვეული სახის პროდუქტი საჭირო იყო ტენდერის გამოცხადება, რასაც შეიძლებოდა გარკვეული პრობლემები გამოეწვია. ჩავარდნილიყო ტენდერი და ვადებში ვერ მომხდარიყო სააღდგომო პროდუქტის შეძენა“, – განმარტავს ახალციხის მერი გიორგი კოპაძე.

[თამარ თოთაძე, ახალციხე]