ბორჯომის გამგეობამ სააღდგომოდ 388 ბენეფიციარი დაასაჩუქრა

ბორჯომის მუნიციპალიტეტის გამგეობამ მრავალშვილიან ოჯახებს, დედ-მამით ობოლ ბავშვებს, 18 წლამდე ასაკის შშმ პირებს, მარტოხელა დედებს, დიდ სამამულო ომის ვეტერანებს, სამამულო ომში მარჩენალდაკარგულ ოჯახებს, ავღანეთის ომის ვეტერანებსა და საქართველოს მთლიანობის ომის დროს დაზარალებულ პირველ და მეორე ჯგუფის შშმ პირებს სააღდგომოდ 100–100 ლარი პირად ანგარიშზე ჩაურიცხა.

გარდა ამისა, გამგეობისგან სააღდგომო საჩუქარი ჩერნობილის ავარიის დროს დაზარალებულებსა და 9 აპრილის მიტინგის დარბევის დროს მოწამლულ 2 პირსაც გადაეცა.

[ვარლამ წიკლაური, ბორჯომი]