ახალციხეში 19 სათვალთვალო კამერის შესაძენად გამოცხადებული ტენდერი ჩაიშალა

ტენდერი 18 თებერვალს 34 800 ლარზე გამოაცხადა და წინადადებების მიღება 20–დან 22-თებერვლამდე მიმდინარეობდა. ახალი სათვალთვალო კამერები, ქალაქის ქუჩებში, საბარგო სადგურის ტერიტორიაზე, ასევე, სოფელ აწყურსა და წნისში უნდა დამონტაჟებულიყო.

ახალციხის მერიაში აცხადებენ, რომ ტენდერი ხელახლა გამოცხდდება. გამარჯვებულ კომპანიასთან ხელშეკრულების გაფორმების შემდეგ, კამერების განთავსების კონკრეტულ ადგილებს მერია და შსს განსაზღვრავენ.

გასულ წელს, ახალციხის მერიამ 53 სათვალთვალო კამერა 81 257 ლარად შეიძინა.

„ამ კამერებით სწრაფად მოძრავი მანქანების ნომრების ამოცნობა იქნება შესაძლებელი. ჩვენი მიზანია, ვიზრუნოთ ჩვენი მოქალაქეების უსაფრთხოებაზე“, – ამბობს ახალციხის მერის მოადგილე რუბენ კარაპეტიანი.

როგორც მერიაში აცხადებენ, 19 კამერის შეძენის შემდეგ, თვითმმართველობა კამერების დამატებას აღარ გეგმავს.

[ავთო ინასარიძე, ახალციხე]