აგარა–გომის მონაკვეთზე მომხდარ ავარიას მეოთხე ადამიანიც ემსხვერპლა

ლალი სიხარულიძე, რომელიც ვალე–თბილისის მიკროავტობუსით მეუღლესთან ერთად მგზავრობდა, მეოთხეა ავტოავარიის შედეგად გარდაცვლილთა შორის. შეგახსნებთ, რომ ამ ავტოსაგზაო შემთხვევის შედეგად გარდაიცვალნენ ახალციხეში მცხოვრები 30 წლის რუსუდან ხუციშვილი და მისი ორი, მცირეწლოვანი შვილები.

როგორც ბორჯომის მუნიციპალიტეტის გამგებლის წარმომადგენელი საკირეში თამაზ ჩუტკერაშვილი გვიხსნის, ავარიის შედეგად დაშავდა სიხარულიძის მეუღლეც, მას ხელი აქვს მოტეხილი.

შეგახსენებთ, რომ 21 თებერვალს, შუადღეს, თბილისი - ვალეს მიმართულებით მოძრავი მიკროავტობუსი გზიდან გადავარდა, ბოძს დაეჯახა და ამოტრიალდა. შედეგად 4 ადამიანი გარდაიცვალა და 7 დაშავდა. 3-დან 2, მცირეწლოვანი ბავშვები, ადგილზე გარდაიცვალნენ, მათი დედა კი საავადმყოფოსკენ მიმავალ გზაზე.. დაშავებული 7 ადამიანიდან, სამი მგზავრი შედარებით მძიმე მდგომარეობით გორის და თბილისის, იაშვილის საავადმყოფოში გადაიყვანეს, დანარჩენების ჯანმრთელობის მდგომარეობა დამაკმაყოფილებელია. ისინი სახლებში გაწერეს.

მომხდარს საპატრულო პოლიციის დეპარტამენტის შიდა ქართლის მთავარი სამმართველოს საგამოძიებო განყოფილება, სისხლის სამართლის კოდექსის 276-ე მუხლის მე-7 ნაწილით იძიებს.

შსს–ს ინფორმაციით, მიკროავტობუსის მძღოლი დაკავებულია.

[თამუნა უჩიძე, ახალციხე]