წულუკიანი: ‘სახელმწიფო სერვისები მხოლოდ დიდი ქალაქების ფუფუნება არ უნდა იყოს’

„სახელმწიფო სერვისები მხოლოდ დიდი ქალაქების ფუფუნება არ უნდა იყოს, დღეს 53–ე საზოგადოებრივი სახლი გავხსენით საქართველოს ისტორიულ, სიწმინდეების სოფელ აწყურში. სერვისები მოდის სოფლებში, რადგან გვინდა, რომ ის ყველასთვის თანაბრად ხელმისაწვდომი იყოს“, – განაცხადა იუსტიციის მინისტრმა თეა წულუკიანმა დღეს, 9 ივლისს სოფელ აწყურში საზოგადოებრივი ცენტრის გახსნაზე.

მისივე თქმით, საზოგადოებრივ სახლში იქნება დარბაზი, სადაც ადგილობრივები ნერბისმიერ დროს შეკრებას და შეხვედრების გამართვას შეძლებენ.
18 წლის იაკობ არუთუნიანი, რომელიც საზოგადოებრივი სახლის პირველი მომხმარებელია ამბობს, რომ სოფელში საზოგადოებრივი სახლის გახსნის შემდეგ ბევრ მნიშვნელოვან საკითხს ქალაქში წაუსვლელად მოაგვარებს: „ატესტატის ასაღებად მოვედი. მიხარია, რომ საბუთები რაც დამჭირდება, შევძლებ აქვე ავიღო“.
აწყურის საზოგადოებრივი ცენტრი სოფლისა და მის მიმდებარედ მცხოვრებ 4 000-მდე მომხმარებელს მოემსახურება.

ცენტრში მოეწყო უახლესი ტექნიკით აღჭურვილი ბიბლიოთეკა, სადაც ელექტრონულ წიგნებთან ერთად ბეჭდური გამოცემებიცაა. აქ ხელმისაწვდომი იქნება არა მხოლოდ საჯარო სერვისები, არამედ „მაგთისა“ და „ლიბერთი ბანკის“ მომსახურებაც, რაც პენსიონერებს − პენსიის სოფლიდან გაუსვლელად მიღების, ახალგაზრდებს კი, უკაბელო ინტერნეტით უფასოდ სარგებლობის საშუალებას მისცემს.










[ავთო ინასარიძე, აწყური]