ახალციხის ბიბლიოთეკას ახალი წიგნები შეემატა

ქალაქ ახალციხის ცენტრალურმა ბიბლიოთეკამ „საქართველოს საგამომცემლო ასოციაციის ვაუჩერიზაციის“ პროექტის ფარგლებში 32 დასახელების 37 ეგზემპლარი წიგნი შეიძინა.

ბიბლიოთეკას შეემატა ისტორიული, მხატვრული, ფსიქოლოგიური და დეტექტიური ჟანრის წიგნები.

ახალციხის ცენტრალური ბიბლიოთეკის მენეჯერი ლილი აჩელაშვილის თქმით, ბიბლიოთეკას უახლოეს პერიოდში კიდევ ბევრი ახალი წიგნი შეემატება: „ახალციხის მერიის დახმარებით 5 000 ლარის წიგნებს შევიძენთ, მათი ნაწილი ჩვენთან, ნაწილი კი სოფლების ბიბლიოთეკებში გადანაწილდება“.

[თორნიკე ზაზაძე, ახალციხე]