ახალციხის მერია შტატებს ამატებს

ქალაქ ახალციხის მუნიციპალიტეტის საკრებულოში ახალი კადრების დამატებას თანამშრომლების ნაკლებობით ხსნიან. საკრებულოს თავმჯდომარე კახა ბერიძე ამბობს, რომ თანამშრომლები საქმის გაკეთებას ვერ ასწრებენ.

„მიწების დაკანონებასთან დაკავშირებით პრობლემები გვაქვს. ერთი თანამშრომელი, რომელიც სხვაგანაც მუშაობს, საკრებულოში საქმეს ვერ ასწრებს, ამიტომ კიდევ ორ შტატს დავიმატებთ. თანამშრომლებს ჩვეულებრივად, კონკურსის წესით შევარჩევთ“, – ამბობს კახა ბერიძე.

შტატების დამატება ამით არ სრულდება. 2 შტატი ემატება მერიასაც.

„იანვარში მერიას კიდევ ორი სამსახური ემატება, მანამდე კი მერის ორ წარმომადგენელს დავნიშნავ“, – ამბობს გიორგი კოპაძე.

[მანანა სარაშვილი, ახალციხე]