ახალციხის მერიას ერთი შტატი მოაკლდა

მთავარი → პოლიტიკა 02.10.2014

ქალაქ ახალციხის მერიის შიდა აუდიტის სამსახურის ახალი დებულება და ამავე სამსახურის ახალი საშტატო განრიგი.

ქალაქ ახალციხის მერიის შიდა აუდიტის სამსახურს ერთი შტატი მოაკლდა და მისი დებულებაც შეიცვალა.

„მოქმედი რედაქციით, შიდა აუდიტის სამსახური კონტროლთან ერთად ინსპექტირებას და სადამსჯელო ღონისძიებების გატარებასაც გულისხმობდა. დებულება მოვარგეთ „სახელმწიფო ფინანსური კონტროლის შესახებ კანონს“, რომლითაც ვხელმძღვანელობთ. შესაბამისად, ჩვენი სამსახური სარეკომენდაციო ხასიათის იქნება და არა სადამსჯელო ხასიათის“, - განაცხადა ქალაქ ახალციხის მერიის შიდა აუდიტის სამსახურის უფროსმა თამარ თუმანიშვილმა.

როგორც ქალაქ ახალციხის მუნიციპალიტეტის საკრებულოს თავმჯდომარე კახა ბერიძე განმარტავს, რადგან აღნიშნული სამსახური ინსპექტირებას აღარ გულისხმობს, საშტატო ნუსხას ამ მიმართულებთ ერთი სპეციალისტი მოაკლდა.

დღეს, 2 ოქტომბერს, ქალაქ ახალციხის მუნიციპალიტეტის საკრებულოს რიგით მეშვიდე სხდომაზე გატანილი ბოლო საკითხი სწორედ მერიის საშტატო ნუსხის დამტკიცებას ეხებოდა და მას მხარი ყველა დეპუტატმა ერთხმად დაუჭირა.

[თამუნა უჩიძე, ახალციხე]