2014 წელს, სამცხე–ჯავახეთში, ადგილობრივი ბიუჯეტებიდან 1 034 ოპერაცია დაფინანსდა

რეგიონის მუნიციპალიტეტების ადგილობრივი ბიუჯეტებიდან, 1 034 ბენეფიციარის გეგმიური და ურგენტული ოპერაციები და სტაციონარული მომსახურება დაფინანსდა.

გარდა ამისა, ადგილობრივი ბიუჯეტებიდან დაფინანსდა ისეთი სახის სოციალური ღონისძიებები, როგორიცაა: ახალდაბადებულ ბავშვთა ოჯახების, მეორე მსოფლიო ომის ვეტერანების, საქართველოს ტერიტორიული მთლიანობისთვის დაღუპული ოჯახების, ხანდაზმულების, შეზღუდული შესაძლებლობების მქონე პირების, სოციალურად დაუცველების კვებისათვის, ხანძრით დაზარალებული ოჯახებისა და მარჩენალდაკარგულების დახმარება.ჯამში, 4795 ბენეფიციარზე 1.205.273 ლარი გაიცა.

2014 წელს სამცხე-ჯავახეთის რეგიონში 6 ამბულატორია აშენდა, ნაწილი კი გარემონტდა. მიმდინარე წლის 1 მაისიდან, სოფლის ექიმებისა და ექთნების ხელფასი 30 პროცენტით გაიზარდა.

გარდა ამის, რეგიონის სასწრაფო-სამედიცინო დახმარების სამსახურებს გადაეცათ მაღალი გამავლობის 13 ავტომანქანა.

[მანანა სარაშვილი, ახალციხე]