საყოველთაო ჯანდაცვის პროგრამის ერთწლიანი შედეგი

საქართველოს შრომის, ჯანმრთელობისა და სოციალური დაცვის სამინისტროს ინფორმაციით,
2013 წლის 28 თებერვლიდან 2014 წლის 31 იანვრის ჩათვლით საყოველთაო ჯანდაცვის პროგრამის ფარგლებში, 196 859 შემთხვევა დაფიქსირდა, მათ შორის სტაციონალური 47 434 შემთხვევა. ასევე დაფინანსდა 13 549 გეგმიური ქირურგიული ოპერაცია, აქედან 100 პროცენტით დაფინანსდა 18 წლამდე ასაკის 62 ბავშვი.

საყოველთაო ჯანდაცვის პროგრამის ფარგლებში 967 ონკოლოგიური ოპერაცია დაფინანსდა, აქედან 100 პროცენტით დაფინანსდა 18 წლამდე ასაკის 5 ბავშვი.

ქიმიო, ჰორმონო და სხივური თერაპია დაუფინანსდა 5,687 მოქალაქეს, აქედან ქიმიო და ჰორმონო - 5,077, სხივური - 610. 18 წლამდე ასაკის ბავშვებში, 100 პროცენტით დაფინანსდა 112 შემთხვევა. აქედან სხივური თერაპიის 5, ხოლო ქიმიო და ჰორმონო თერაპია 107 შემთხვევა დაფიქსირდა.

2013 წლის 1 ივლისიდან 2013 წლის 31 იანვრის ჩათვლით, საყოველთაო ჯანდაცვის პროგრამის ფარგლებში 21 017-მა ქალმა იმშობიარა, აქედან ფიზიოლოგიური მშობიარობაა 13 924, ხოლო საკეისრო კვეთა 7 093.