წნისში დაკარგული მამაკაცი 45 დღის შემდეგ გარდაცვლილი იპოვეს

ახალციხის მუნიციპალიტეტის სოფელ წნისში დაკარგული მამაკაცი, ამავე სოფელში მცხოვრებმა ქალბატონმა ნახა. გარდაცვლილი მდინარეში იყო ჩავარდნილი. როგორც ოჯახის ახლობლები აცხადებენ ეს უბედური შემთხვევა იყო, რადგან ექსპერტიზამ ძალადობის კვალი ვერ ნახა.

"ფეხი დაუცდა ალბათ. ისევ იმ ადგილას იპოვეს, სადაც ჩავარდა, ლამში იყო ჩაძირული. ამინდები კარგი იყო, წყალი რომ გათბა, ცხედარი მაღლა ამოვიდა“,– ამბობს ოჯახის ახლობელი ნაირა გოგოლაძე.

შეგახსენებთ, რომ 55 წლის მამაკაცი სახლიდან 31 ოქტომბერს სოკოს საკრეფად წავიდა. სამძებრო სამუშაოებში ჩართული იყო პოლიციაც.

[თინათინ ზაზაძე, ახალციხე]