ახალციხეში, მდინარის ნაპირას 82 წლის მამაკაცი გარდაცვილილი იპოვეს

შემთხვევა დაახლოებით 19:00 საათზე მოხდა, გარდაცვლილი დიდიმამიშვილის ქუჩაზე, ყოფილი პოლიკლინიკის უკან, გოგირდის წყალთან ნახეს. ადგილობრივების განმარტებით მამაკაცი გოგირდის წყალზე საბანაოდ ხშირად დადიოდა.

შემთხვევის ადგილზე მობილიზებული იყო სასწრაფო სამედიცინო დახმარების ბრიგადა, საპატრულო პოლიცია და სამაშველო სამსახური.

"როგორც ამბობენ გულის შეტევით გარდაიცვალა, შვილიშვილმა ნახა და მანვე დარეკა სასწრაფო სამედიცინო სამსახურში", – აცხადებენ ადგილობრივები.

შსს–ში განმარტავენ, რომ გამოძიება სისიხლის სამართლის კოდექსის 115–ე მუხლით მიმდინარეობს, რაც თვითმკვლელობამდე მიყვანას გულისხმობს.

უწყების ინფორმაციით გარდაცვლილს ძალადობის კვალი არ აღენიშნება: "დანიშნულია ექსპერტიზა და გარდაცვალების მიზეზი დადგინდება".



[თინათინ ზაზაძე ახალციხე]