ხვალ ახალციხის სკოლებში დირექტორებს აირჩევენ

ქალაქ ახალციხეში დირექტორი ოთხ საჯარო სკოლაში უნდა აირჩიონ: N1, N2, N5 და N6 საჯარო სკოლებში. აღნიშნულ სკოლებში სამეურვეო საბჭოები, ხვალ, 2 დეკემბერს შეიკრიბებიან და საქართველოს განათლებისა და მეცნიერების სამინისტროს მიერ წარდგენილი დირექტორობის კანდიდატების არჩევა-არარჩევის საკითხს განიხილავენ.

განათლების სამინისტრომ N1 საჯარო სკოლის სამეურვეო საბჭოს ჟუჟუნა გოგოლაურის კანდიდატურა წარუდგინა. სამეურვეო საბჭოს სხდომა ხვალ, 2 დეკემბერს 13:00 საათზე დაიწყება.

N2 საჯარო სკოლაში სამეურვეო საბჭო 14:00 საათისთვის შეიკრიბება. დირექტორობის კანდიდატი ბელა დიასამიძეა.

N5 საჯარო სკოლაში დირექტორის არჩევნები 10:00 საათისთვის დაიწყება, აქ ხელმძღვანელის პოსტზე ინგა ვარდიძე განიხილება.

N6 საჯარო სკოლაში დირექტორობისთვის ორი კანდიდატი იბრძვის: გივი კაპანაძე და ქეთევან პარუნაშვილი. სამეურვეო საბჭო არჩევნებს 10:00 საათისთვის დაიწყებს.

დირექტორის შესარჩევი არჩევნები ტარდება ახალციხის მუნიციპალიტეტის 7 საჯარო სკოლაშიც: ვალეს N1 დ N2, ასევე კლდის, საყუნეთის, მინაძის ტყემლანის და სვირის საჯარო სკოლებში.

10:00 სათისთვის სამეურვეო საბჭო მინაძის და კლდის საჯარო სკოლებში შეიკრიბება. მინაძეში დირექტორობის კანდიდატი დონარი ზედგინიძეა, კლდის სკოლაში კი – მალხაზ ბლუაშვილი.

14:00 საათზე დაიწყება არჩევნები: ვალეს N1, ტყემლანისა და საყუნეთის საჯარო სკოლებში. ვალეში კანდიდატი ირა გიორგაძეა, ტყემლანაში – ნინო ტყემალაძე, საყუნეთში კი სიმონ გელაშვილი.

13:00 საათზე დაიწყება არჩევნები სვირის საჯარო სკოლაში, ამ სკოლაში დირექტორობის კანდიდატი გიული ყიფიანია.

15:00 საათზე შეიკრიბება სკოლის სამეურვეო საბჭო ვალეს N2 საჯარო სკოლაში, აღნიშნულ სკოლაში კანდიდატი გვანცა გოგოლაძეა.

[თინათინ ზაზაძე, ახალციხე]