განათლების სამინისტრომ საჯარო სკოლებს დირექტორობის კანდიდატები წარუდგინა

განათლების სამინისტრო ახალციხის N1 საჯარო სკოლის სამეურვეო საბჭოს ჟუჟუნა გოგოლაურს წარუდგენს, ახალციხის N2 საჯარო სკოლაში ბელა დიასამიძეს, N5 საჯარო სკოლაში ინგა ვარდიძეს, N6 საჯარო სკოლაში კი სამეურვეო საბჭოს წინაშე ორი კანდიდატი, გივი კაპანაძე და ქეთევან პარუნაშვილი წარსდგებიან.

ცნობილია ახალციხის, ასპინძისა და ადიგენის მუნიციპალიტეტის საჯარო სკოლების დირექტორობის კანდიდატების სიაც.

ახალციხის მუნიციპალიტეტის სოფელ კლდეში სამეურვეო საბჭოს წინაშე მალხაზ ბლუაშვილი უნდა აირჩიოს. საყუნეთის საჯარო სკოლის დირექტორობის კანდიდატი სიმონ გელაშვილია, ქალაქ ვალის N1 სკოლის ირა გიორგაძე, ვალის N2 საჯარო სკოლის კი გვანცა გოგოლაძე. სოფელ მინაძის საჯარო სკოლის სამეურვეო საბჭოს წინაშე დონარი ზედგინიძე წარსდგება, ტყემლანის საჯარო სკოლის საბჭოს წინაშე – ნინო ტყელამაძე, სვირში კი – გიული ყიფიანი.

ასპინძის მუნიციპალიტეტის სოფელ რუსთავის საჯარო სკოლის დირექტორობის კანდიდატი დალი დიასამიძეა, სოფელ დამალას სკოლის – ნელი დუდუქჩიანი, იდუმალას საჯარო სკოლის კი ლალი სოხაძე.

სამინისტრო დაბა ადიგენის საჯარო სკოლის სამეურვეო საბჭოს გიორგი ქომეთიანს წარუდგენს, დაბა აბასთუმნის სკოლას კი სვეტლანა ბოჩიკაშვილს.

სოფელი უდის N1 საჯარო სკოლის დირექტორობის კანდიდატი რუსუდან გზირიშვილია, არალის საჯარო სკოლის კი მარო ჩხიტუნიძე. მოხის საჯარო სკოლაში სამეურვეო საბჭოს წინაშე თემურ ბერიძე წარდგება, ლელოვანის სკოლაში – ეთერ მეტრეველი, ხევაშენის – ცისანა ობოლაძე, ქვემო ენთელის – მარინე ყიფშიძე, გომაროს – მერაბ შავაძე და ვარხანის საჯარო სკოლაში რუსუდან ხობიაშვილი.

განათლების სამინისტრომ საქართველოს მასშტაბით დირექტორობის მსურველთა ტესტირება და გასაუბრება ეტაპობრივად ჩაატარა. იმ შემთხვევაში თუ საჯარო სკოლების სამეურვეო საბჭოები სამინისტროს მიერ წარდგენილ კანდიდატს ვერ აირჩევენ, მაშინ სკოლის დირექტორს განათლების სამინისტრო ნიშნავს.

[მანანა სარაშვილი, ახალციხე]