აუდიტი აბასთუმნის სკოლაში დოკუმენტის შესაძლო გაყალბების ფაქტს სწავლობს

სოფელ აბასთუმნის საჯარო სკოლის დირექტორს ქეთევან ობოლაშვილს ამავე სკოლის სამეურვეო საბჭოს წევრები, ოქმის გაყალბებაში ადანაშაულებენ; სამინისტროს შიდა აუდიტის დეპარტამენტს საქმის შესწავლის მოთხოვნით სამეურვეო საბჭოს წევრებმა მიმართეს.

განათლების სამინისტროს ინფრომაციით, აუდიტის დეპარტამენტის თანამშრომლებმა სკოლაში ყველა საჭირო პირი დაკითხეს: „მოკვლევა უკვე დაასრულეს და ძალიან მალე დასკვნასაც დაწერენ“.

შეგახსენებთ, რომ ოქმი, რომლის გაყალბებაშიც სკოლის დირექტორს ადანაშაულებენ, საბჭოს ერთ–ერთი წევრის და სკოლის ყოფილი მასწავლებლის დათა დათაშვილის საბჭოდან გარიცხვის საკითხს ეხება.

[თამუნა უჩიძე, ადიგენი]