დასუფთავების აქცია ბორჯომში ცნობილი ადამიანების მონაწილეობით

ბორჯომში დასუფთავების აქცია დღეს, 21 ნოემბერს მოეწყო. ბორჯომის თვითმმართველობის თანამშრომლებთან ერთად, ქალაქის გარე უბნები წარმოშობით ბორჯომელებმა: მომღერალმა ნატო გელაშვილმა, ისტორიკოსმა ვახტან ლიჩელმა და მისმა ქალიშვილმა, პიანისტმა თათა ლიჩელმა დაასუფთავეს.

აქციის მონაწილეებმა ბორჯომში გოგიას ციხე, პლატოს და ჩარხისწყლის მიმდებარე ტერიტორიები დაასუფთავეს.

„ეს აქცია განსაკუთრებული მნიშვნელობისაა. ეს არის ერთ–ერთი საუკეთესო საშუალება, საზოგადოებამ გამოხატოს სიყვარული ქვეყნის წარსულისა და ქვეყნის კულტურული მემკვიდრეობის მიმართ“, – ამბობს ისტორიკოსი, არქეოლოგი ვახტანგ ლიჩელი.

„მივესალმები მსგავსი ტიპის აქციას, იმიტომ, რომ ჩვენ ერშია პრობლემა სამწუხაროდ. ჩვენ ადამიანები უნდა მივხვდეთ, როცა გამოვდივართ პიკნიკზე, ჩვენი დაყრილი ნაგავი გამოვიტანოთ ტყიდან და მივიტანოთ ურნამდე“, – ამბობს ნატო გელაშვილი.

დასუფთავების აქციაში ჩაერთო სამცხე–ჯავახეთის მხარის გუბერნატორი აკაკი მაჭუტაძეც.

„აღნიშნული აქცია პერმანენტულად ხორციელდება პრემიერ–მინისტრი ინიციატივით. ყველა ჩვენი თანამოქალაქის ვალია დავასუფთაოთ ჩვენი რაიონი და ეს უნდა იყოს საზოგაროების ინიციატივა და ჩართული უნდა იყოს, როგორც რიგითი მოქალაქე, სევე საჯარო მოხელე“, – ამბობს იგი.

[თინათინ ზაზაძე, ბორჯომი]