დასუფთავების მასშტაბური აქცია სამცხე–ჯავახეთში დედამიწის დღეს

აქციას მუნიციპალიტეტების გამგეობების, შპს „კეთილმოწყობისა“ და სხვადასხვა ა(ა)იპ-ების თანამშრომლები, ასევე საჯარო სკოლების მოსწავლეები შეუერთდნენ.

აქციის მონაწილეებმა რეგიონში არსებული რეკრეაციული ზონების, სკვერებისა და პარკების მიმდებარე ტერიტორიები, ასევე, ქალაქების, მუნიციპალიტეტებისა და სოფლების შემოგარენი პოლიეთილენის ბოთლების, პარკებისა და სხვა საყოფაცხოვრებო ნარჩენებისგან გაწმინდეს.

22 აპრილს მთელს მსოფლიოში აღინიშნება დედამიწის დღე. პირველად ეს დღე 1970 წელს აღინიშნა, როცა ცნობილი ამერიკელი გარემოსდამცველი სენატორის, გეილორდ ნელსონის მოწოდებით 20 მილიონი ამერიკელი გამოვიდა დედამიწის დასაცავად. დედამიწის დღე მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა, რომლშიც ყოველ წელს მსოფლიოს 175 ქვეყნის 17 000-მდე ორგანიზაცია და მილიონობით მოხალისე მონაწილეობს.







[sknews.ge]