პარტია 'თავისუფალი დემოკრატები' ადიგენშიც დატოვეს

ადიგენის მუნიციპალიტეტის საკრებულოს თავმჯდომარის მოადგილემ თამაზ ძაძამიამ, რომელიც საკრებულოში „თავისუფალი დემოკრატების“ თავმჯდომარეც იყო, ფრაქცია პირადი განცხადების საფუძველზე დატოვა.

„თანამდებობა [თავმჯდომარის პოსტი] დღეს დავტოვე, ველოდებით როგორ განვითარდება მოვლენები, რა გადაწყვეტილებას მიიღებენ დანარჩენი წევრები“, – განაცხადა თამაზ ძაძამიამ.

შეგახსენებთ, რომ ფრაქცია „თავისუფალი დემოკრატები“ უკვე დატოვეს ახალციხისა და ასპინძის მუნიციპალიტეტებში.

[მანანა სარაშვილი, ადიგენი]