ასპინძაში უმრავლესობას „თავისუფალი დემოკრატები“ გამოაკლდნენ

ასპინძის მუნიციპალიტეტის საკრებულოს ფრაქცია „თავისუფალი დემოკრატების“ თავმჯდომარემ ალიკა ცინაძემ უმრავლესობა გუშინ, 10 ნოემბერს დატოვა.

„გუშინ მივიღე გადაწყვეტილება, რომ კოალიცია დამეტოვებინა, დღეიდან „თავისუფალი დემოკრატების“ დეპუტატი ვარ ასპინძის მუნიციპალიტეტის საკრებულოში“, – ამბობს ალიკა ცინაძე.

დარჩებიან თუ არა პარტიაში ნინოწმინდისა და ახალქალაქის „თავისუფალი დემოკრატების“ წევრები ჯერ –ჯერობით უცნობია.

„ფრაქციის სხდომა ჯერ არ ჩატარებულა ერთი წევრი გვაკლია და მას ველოდებით, შესაბამისად გადაწყვეტილებაც ჯერ არ მიგვიღია“, – ამბობს ნინოწმინდის მუნიციპალიტტეის საკრებულოს „თავისუფალი დემოკრატების“ თავმჯდომარე ვოსკან ელოიანი.

ელოიანის მსგავსად უმრავლესობიდან წასვლის შესახებ გადაწყვეტილება ჯერ არ მიუღია ახალციხის მუნიციპალიტეტის საკრებულოს „თავისუფალი დემოკრატების“ თავმჯდომარეს ბიძინა გოგოლაძეს.

რაც შეეხება ადიგენის მუნიციპალიტეტის საკრებულოს „თავისუფალი დემოკრატების“ თავმჯდომარეს თამაზ ძაძამიას მას აღნიშნულ საკითხზე კომენტარის გაკეთება არ სურს.

[მანანა სარაშვილი, ახალციხე]