„თავისუფალი დემოკრატების“ ახალი თავმჯდომარე შალვა შავგულიძე გახდა

შავგულიძის კანდიდატურა დელეგატებს პარტიის ყოფილმა ლიდერმა ირაკლი ალასანიამ წარუდგინა.

შალვა შავგულიძემ სიტყვით გამოსვლისას “თავისუფალი დემოკრატების” 8-წლიან ისტორიაზე ისაუბრა და დეტალურად განმარტა მიზეზები, თუ რატომ არის დღეს პარტია ხელისუფლების ოპოზიციაში.

პარტიის რიგგარეშე, რიგით მეხუთე ყრილობა სასტუმრო “ქორთიარდ მერიოტში” გაიმართა.
ყრილობას სტუმრის სტატუსით “თავისუფალი დემოკრატების” ყოფილი ლიდერი ირაკლი ალასანია ესწრებოდა.

ყრილობის დასრულების შემდეგ, ირაკლი ალასანიამ ჟურნალისტებს განუცხადა, რომ საქმიანობას ვაშინგტონში, ბიზნესის სფეროში გააგრძელებს.

დღესვე, „თავისუფალი დემოკრატების“ ყრილობაზე შეირჩნენ, პარტიის პოლიტიკური და აღმასრულებელი მდივნები. ეს პოზიციები ნინო გოგუაძემ და ლევან სამუშიამ დაიკავეს.

[sknews.ge]