ახალციხის ციხემ ფუნქციონირება დაიწყო

კაფე-ბარი ”რაბათი ქლაბი”, რომელიც ახალციხის ციხის სამ ტერასაზეა გაშლილი, გუშინ მთელი დღის განმავლობაში მუშაობდა.

”რაბათი ქლაბის” მენეჯერის მამუკა ბარათაშვილის თქმით, კაფე-ბარის დასუფთავება გვიან ღამემდე მიმდინარეობდა და დილიდან მუშაობა განაახლეს: ”უკვე მივიღეთ კლიენტები, რომლებსაც ქართულ-ევროპულ მენიუს ვთავაზობთ. ასევე სასმელების ფართო არჩევანი გვაქვს”.

საკმაოდ ბევრი კლიენტი ჰყავდა გუშინ ღვინის მაღაზიათა ქსელ ”მეღვინეობა ხარებას”, სადაც ყიდვამდე მსურველებს ღვინის დაგემოვნების საშუალებაც აქვთ.

”გუშინ უფრო ბევრი ღვინო გაიყიდა, დღეს უფრო დმთვალიერებლები გვყავდა. 24 დასახელების ღვინო გვაქვს. ფასები 4, 40 -ლარიდან იწყება და 55 ლარამდე მერყეობს”, - ამბობს ”მეღვინეობა ხარებას” კონსულტანტი სალომე ბერიძე.

დილის 10:00 საათიდან განაახლა მუშაობა მაღაზიათა ქსელმა ”ზარაფხანამ”, სადაც დილიდან ხალხმრავლობაა. მაღაზიაში ამ ტერიტორიაზე აღმოჩენილი ნიმუშების ანალოგებიც იყიდება.









[თამარ თოთაძე, ახალციხე]