”მეღვინეობა ხარება” ახალციხის ციხეში

მაღაზია ”მეღვინეობა ხარება” მომხმარებელს 20-მდე სახეობის ღვინოს სთავაზობს. აქ შესაძლებელია შეძენამდე ღვინო ჯერ დააგემოვნოთ და არჩევანი იმის შესახებ, თუ რომელ მათგანს შეიძენთ, მხოლოდ ამის შემდეგ გააკეთოთ.

- ”ამისათვის სპეციალური დანადგარი გვაქვს, სწორედ მისი საშუალებით, ჩვენთან არსებული ღვინის ძირითადი სახეობის დაგემოვნებაა შესაძლებელი. ასევე გვაქვს დეგუსტაციები სხვა ჯიშური ღვინოებისაც. მათი დაგემოვნებაც შესაძლებელია”, - ამბობს ”მეღვინეობა ხარებას” აღმასრულებელი დირექტორი ლევან ჟვანია.

გარდა ბოთლში ჩამოსხმული ღვინოებისა ”მეღვინეობა ხარება” აწარმოებს ქვევრის ღვინოებსაც. ასევე აქ არის მუხის კასრებში დაძველებული ღვინოებიც.

- ”ციხის ადმინისტრაციასთან გავაფორმეთ კონტრაქტი, ვცდილობთ ყველა ტურისტულ ზონაში გვქოდნეს მაღაზია და ტურისტებს შევთავაზოთ ქართული ღვინო”, - აცხადებს ჟვანია.

მისივე თქმით, აქ წარმოდგენილი ღვინოებიდან განსაკუთრებულია იმერული სახეობის ღვინოები: ”გვაქვს კახური ჯიშური ღვინოები. ადგილობრივი ქართული ენდემური ჯიშების გადარჩენას ვუწყობთ ხელს, ასევე ამ კუტურული ჯიშების განვითარებას კომერციული თვალსაზრისით”.

[თამუნა უჩიძე, ახალციხე]