ბაკურიანში რძის გადამამუშავებელი საწარმო ამოქმედდა

ქარხნის მფლობელმა, ინდ-მეწარმე ვლადიმერ სტეფანიანმა, საწარმოს ასაშენებლად ბანკიდან 600 ათასი დოლარის დაფინანსება მიიღო. ამ თანხით მან რძის ქარხნის გარდა, ფერმა, თივის სათავსო და თანამშრომლების საცხოვრებელი ააშენა.

ნედლეულით უზრუნველყოფისთვის მეწარმემ საკუთარი მეურნეობაც შექმნა, სადაც შვიცის ჯიშის საქონელი ჰყავს. მათი წველადობა დღეში 15-დან 18-ლიტრამდე მერყეობს.

ვლადიმერ სტეფანიანი იაფი კრედიტის პროგრამის ფარგლებში მეორე კომპონენტის სესხის აღებასაც აპირებს, რითაც ავსტრიული მაღალპროდუქტიული ჰოლშტეინის ჯიშის საქონლის შემოყვანას გეგმავს.

საწყის ეტაპზე ქარხანაში წარმოებული ნატურალური პროდუქტი: რძე, ხაჭო, არაჟანი, მაწონი და სხვადასხვა სახეობის ყველი ადგილობრივ ბაზარზეა გათვლილი. პროდუქციით სასტუმროების ქსელი მარაგდება. პროექტის ფარგლებში ამჟამად 20 ადამიანია დასაქმებული.

[sknews.ge]