სამცხე–ჯავახეთში რძის გადამამუშავებელი საწარმოები აშენდება

საქართველოს მთავრობის ინფორმაციით, 8 რეგიონში რძის გადამამუშავებელი 13 კოოპერაციული საწარმო აშენდება:

სამცხე-ჯავახეთში - 4 (ნინოწმინდა - 3, ასპინძა - 1);

გურიაში - 1 (ოზურგეთი);

რაჭა-ლეჩხუმში - 3 ( ცაგერი - 2, ონი - 1);

იმერეთში - 1 (ჭიათურა);

მცხეთა-მთიანეთში - 1 (თიანეთი);

აჭარაში - 1 (ხულო);

შიდა ქართლში - 1 (კასპი);

ქვემო ქართლში - 1 (წალკა).

სასოფლო-სამეურნეო კოოპერატივებში გაერთიანებულ 280-ზე მეტ მეპაიეს, შესაძლებლობა ეძლევა სტანდარტების დაცვით აწარმოონ რძის პროდუქტები, რაც ხელს შეუწყობს საწარმოო ციკლის ფარგლებში კოოპერატივების მეპაიეების შემოსავლების ზრდას.

მესაქონლეობის სასოფლო-სამეურნეო კოოპერატივებს გადაეცემა სხვადასხვა სიმძლავრის რძის მიმღებ-გადამამუშავებელი აღჭურვილობა და ნედლი რძის კონტროლის საველე ლაბორატორიული ხელსაწყოები.

პროგრამის მიზანია თანამედროვე ტექნოლოგიებით აღჭურვილი ნედლი რძის მიმღებ-გადამამუშავებელი კოოპერაციული საწარმოების შექმნის სტიმულირება.

[sknews.ge]